CUSTO DE PARTICIPACIÓN: ¿Como reducilo?

No tocante ó CUSTO DE PARTICIPACIÓN (empezo por éste porque é máis sinxelo), para reducilo, a nosa labor é clara. Para reducir o CUSTO ENERXÉTICO DE PARTICIPAR temos que acercar ós individuos aqueles plans, plataformas, asociacións, canles, actos... que lles interesen, que lles son útiles e necesarios. Facerlles saber que existen e simplificar na medida do posible o acceso a eles nesta "sociedade informacional" (E-participacion, Clelia Colombo Vilarrasa). A auténtica dificultade no ámbito dos costes reside no CUSTO DE OPORTUNIDADE. Demostrarlle ós individuos que participar merece a pena. Para reducir o CUSTO DE OPORTUNIDADE da participación non valen senón os feitos tanxibles de que si aporto “algo”, e sumado o “algo” que aportan os demáis, chégase a unha decisión conxunta superior que engloba o traballo de tódolos partícipes e que logo, a través da administración retroalimenta de novo á sociedade dunha maneira máis eficaz.